ترقه ای انفجار تخمه ای میان.........سیده فریده میربابایی

یه خطره بوگوم شماره :  یه شو خواهران همدیگرِ نِشتِه بِیم . شوم دی بخورده بِیم تا تنگِ پوست .خودمانِ بوگوتیم بیشیم اتاقی میان فیلم نیَ کِنیم . همینطور ک مشغول بِیم ،  شب چَره دی مخوردییِم ، یکی خوَران بو گوت : قرصانمِ نُخوردییَم .

من دی بوگوتم پا نَیَس مو شوم تویی برک میورم . بوگوت: مطبخ دَره 

بوگوتم : میورم 

همین ک برسییَم مطبخ ، فکری بیَمِه مغزمی میان و لبخندی دی لبانم بَنِشت ... 

خلَصه ،ترقه کو چیکانِ  نَوَن بیورده بَن ،  من دی اونه بیگیتم روشن کِردم ،  دنگتم پلاستیکی تخمه یی میان ، اون یکی دست دس دی پلاستیک داروان . بیشیَم دری اتاقی جلو و پلاستیک دنگتم میان خوران . آی منفجر نگرست ؟  تُخمَن دی هوایی میان بال میزییَن . من دی تیفاری پشت قَیِم گرسته بم اوشانِ میدیم و مِخَندِستَم ...

خوَران هر کدام یه ور بِشِه بَن ...

یکیشان دور اتاق مِچَرخِست ، یکیشان مَلَق گرسته به ، یکیشان دی دراز به دراز ، مِداری خوته به ... خوف کرده بَن انگار ک داعشی حمله کرده به ... شوکی وَر خوس بَم والا یه شکم سیر منه میزیَن ... خدا خورشید خَله ره بیَمرزَه،  منه نجات هَدا